مقام قهرمان کربلا وگریز به شهادت وی

 گوهر گنج ادب پنج تنه مهپاره -----آسمان شرف ومعرفته سیاره

 

وصفینه طبعیلر عاجز دی قلم آواره -----گلشن معرفته لاله حمرا زینب

 

عصمت آیینه سی گلدسته تقوا زینب -----کعبه ی عشقیدی حجا جی صفا انجمنی

 

مدفنی قبله ی حاجتدی شفا انجمنی -----آدی سرشار محبتدی وفا انجمنی

 

زین اب زینت او صاف شه خیبر دی -----کیم حیادن دانشا زینب آدین ازبردی

 

قهرمان ثبت ائلیوب منصبینی خرده کلان -----اونی بیرعورته همتا ائلیور ساده دلان

 

تانیور رتبه ی والا سینی دوز عاشق اولان -----قهرمانی کی قویوب صفحه تاریخه اثر

 

شیرزن مشتریسی زینبی مقتلده گزر -----گرچه عورتدی شجاعتده ولی مین کیشیدی

 

آناسی فاطمه دن غیرتی اورگئمیشیدی -----اولماغا فاتح خضرا ائله زینب ایشیدی

 

حقی وارشیر اولا دنیاده ابوالفضل با جیسی -----وردی پرچم دل خضراده ابوالفضل باجیسی

 

بیر خانم کی صودامه فاطمه تک مادردن -----غیرتی ارث آپارا شاه ولا حیدردن

 

ئورگنه درس ادب محضر پیغمبردن -----عمریده همدم اولا هر گون حسین وحسنه

 

حقی وار زینت اولا اللی بش ایل پنج ننه -----بیر خانم کی دیل آچان لحظه ده قرآن اوخیا

 

ننه سیلن اوتوروب قارداشا کوینگ توخیا -----کربلا فلسفه سین محضر زهرادن آلا

 

ائله شایسته دی دنیاده ادی زنده قالا-----بیر خانم کی گوز آچا سینه ی پیغمبر ده

 

گوله قارداشی حسینون اوزینه بسترده -----ثبت ائده عشقینی زهرا اوخیان دفترده

 

نهضتون حقینی تبلیغ ائلیر یااتمز -----قارداشون عشقینه قول باغلی گئدر یا گتمز

 

بیر خانم کی باشنه قاره سالادورد یاشدا -----باغلیا یاره نی محرابیده منشق باشدا

 

اللی بش ایل باشخی همدم اولا قارداشدا -----کوفه ده قانلی باشون عشقینه طوفان ائلیر

 

باش ورار محمله سیما سینی الوان ائلیر -----بیر خانم کی وئره برنامه سینی شام انام

 

سرپرست ایلیه بیر عده اسیرانه امام -----رهگذرده باشنا کول توکه لر مردم شام

 

غضبیندن آلشوب جنگینی اعلان ائلیر -----کاخ خضرانی یخار نطقیله ویران ائلیر

 

بوخانم الی بش ایل عاشقیدی قارداشنا -----آغلیاردی خانمون اهل سما گوز یاشنا

 

دولانوب چوللری چوخ گلدی بلالر باشنا

 

شامیدن گر چه خانم جو روجفا گورمیشدی -----گلدی بیرگونده همان شامیده دیلدن دوشدی

 

ارییوب شمع فروزان کیمی خاموش اولدی -----قهرمان غربته آخرده هم آغوش اولدی

 

کاسه ی صبری اودم سنگ غمه توش اولدی -----بیر گوزی شامه باخوب بیرگوزی قارداش یولونا

 

وارنیازیم دئدی عباسیمون الان قولونا -----گوزیمی باغلیانیم یوخدی ابوالفضل ئولیرم

 

قلبیمه ناله لریم اوخدی ابوالفضل ئولیرم -----قلبیمه ناله لریم اوخدی ابوالفضل ئولیرم

 

یاقوزام طعنه وران چوخدی ابوالفضل ئولیرم -----گوزلریم یولدادی گوز تیکمیشم الان یولوا

 

گوزیمی باغلاماغا چوخدی نیازیم قولوا -----دئمورم شامیده برپا ائده سن بزم غزا

 

دئمورم باشیون اوسته آچاسان چترلوا -----دئمورم ساخلارکابیم منیم ای کان وفا

 

خواهشیم وار بو قرا کوینگه ال ورمیاسان -----گله سن غربت ارا زینبی قبره قویاسان

 

غیرتوندن چوخ اوزاقدی منی یالقوز قویاسان -----هیچ یار اشمور سنه زینبدن ابوالفضل قویاسان

 

سن منه عاشقیدون جامعه عشقی سویاسان -----سنی قارداشیم حسینون صود امر اصغرینه

 

قویما زینب ئوله یالقوز چک الون گوزلرینه -----چخمیوب خاطر زینبدن امان نامه سوزی

 

شاهون امر ائتدی گئدرسن ولی دولموشدی گوزی -----منه گوز آلتی باخان وقتیده آغلوردی اوزی

 

سنه من محضر مولاده مددکار الدوم -----آغلادوم قارداشما قالماغوا یارالدوم

 

ایندی درمانده دی زینب سنه امیدی گلور -----شامیده زینب نالان اوتوروب اشکین الیر

 

من همان زینبوم باخ فلکه بی کس ئولیر -----عوضین چخ ئولیرم آغلیانیم یوخدی منیم

 

یوللا قارداشیم حسینی محنیم چوخدی منیم -----عرض ائله شامه گله زینب نالانی ئولیر

 

باشی غمدن آغاروب عاشق ویلانی ئولیر -----شمع عمریم ارییور آتش سوزانی ئولیر

 

شامه بیر لحظه گلوب زینبه امداد ائلسون -----ال قویوب قلبیمه بیر یولدا اونی شاد ائلسون

 

سن کرم صاحبیسن زینبون امدادینه گل -----سوزی هر لحظه حسینون آدیدی دادینه گل

 

خسته دی شامیده آوراده دی فریادینه گل -----سنده غملی سوزوی یاز ائله بو مطلبدن

 

سروده شده توسط منصور عزیزاده  از  مداحان اهل بیت شهرستان پارس آباد

تایپ و انتشار : داریوش مصلح مدیر وبلاگ زینب پیام رسان کربلا

---------------------------------------------------------------------------------------------

 

/ 0 نظر / 82 بازدید