درد دل زینب با سر برادر در کوفه

یا حسین چرخش گردون فره باخ زینبه باخ  -----چرخ بی عاریده عصیانگر ه باخ زینبه باخ

عشقیمون حاصلینی گور نجه تاراج ائلدی  -----گلشن عشقیده غارتگره باخ زینبه باخ

باغبانسیز باغمون میوه لری گوز یاشیدی  -----سوارور گوللریمی پرپره باخ زینبه باخ

منه چوخ گوردی فلک گوللریمه ناز ائلیم  -----یاندی پروانه ده خاکستره باخ زینبه باخ

سروتک قامت عباسیمی سندردی فلک  -----سروه باخ هیکله باخ پیکره باخ زینبه باخ

بدر کامل بالامون هاله سینه قان جالادی  -----زلفی چین چین دوزولن اکبره باخ زینبه باخ

بیریتیم اوغلو ماقان حجله سی بر پاائلدی  -----نوعروسون حالنا دلبره باخ زینبه باخ

باغمون تازه آچان غنچه سینی قویمادیلار  -----آلتی آیلوق صودامر اصغره باخ زینبه باخ

سنه من دلخوشیدوم دهریده چوخ گوردی منه  -----کشمکشلرده دل خواهره باخ زینبه باخ

عشقیمون مدرکینی قانیله امضاائلدوم  -----قتلگاهونده دئدیم خنجره باخ زینبه باخ

الیمی یاره لدیم قانووه قانیم قارشا  -----قان یازوب مقتلووه حنجره باخ زینبه باخ

خیمه مه اود ورانون خیمه وخرگاهی یانا  -----اود دییردی بو سوزی کافره باخ زینبه باخ

ایندی بو شهره قوناقوق باجی قارداش ایکیمیز  -----پایتخت باباموز حیدره باخ زینبه باخ

بو همان شهریدیبش ایل بولارا سرور یدیم  -----کوفه شهرینده حسین صفلره باخ زینبه باخ

ادبین درسینی اورگتمیشیدوم کوفه لیه  -----اونودو بلارادبی سوزلره باخ زینبه باخ

کوفه نون عورت اوشاقی منی تحقیرائلیور  -----سرنوشتیمده قرار گونلره باخ زینبه باخ

باشما کول توکن عورتلره من زینبیدوم  -----نایب منتخب کوثره باخ زینبه باخ

منه تعظیم ائلیردی بولارون هر بیریسی  -----ایندی رقاصه وخنیا گره باخ زینبه باخ

آدیمی کوفه اشیتسیدی دعا ایلردی  -----ایندی پیشوازه چخان کسلره باخ زینبه باخ

ال حنالی دایانوبلاریولومون اوسته حسین  -----صفت مردم خون پروره باخ زینبه باخ

سسلیوللربیزی اسلامه خرج ایلمشوک  -----بیزه کافر دیلیر یکسره باخ زینبه باخ

جدیمون امتی یاددان چخادوب کیمدی حسین  -----نیزه باشندا گزه ن رهبره باخ زینبه باخ

بولارا عصمتی تعلیم ائلین زینبیدوم  -----اینید باشمده اولان معجره باخ زینبه باخ

باشوین قانی آخور گوزلرآچماحسین  -----قان دولار گوزلره اشک تر ه باخ زینبه باخ

یارماسام باشیمی من عشقیده زینب دگولم  -----یارا باشیمده دییم بیر یره باخ زینبه باخ

باشینی محمله وردی چاغروب یا زهرا  -----باشمون قانی آخان قانوه قربان مولا

باش یاران یاخچی بیلر نیلدی زینب او زمان  -----اوجادان سسلدی ای شاه شهیدان منه باخ

باشمون یار ماغنون باعثی باشوندی حسین  -----باشمون قانی اولا یاروه قربان منه باخ

بوردا بیرایش  گوررم فاطمه احسن چاغورا  -----یرده تفسیرائلیوم سن اوخی قرآن منه باخ

آیه کهفی اوخی من اونی تفسیر ائلیوم  -----بیله لر عالم ارا زنده دی ایمان منه باخ

محملون چوبینه وردوم باشیمی شرم ائدورم  -----قوللاریم باغلیدی ای خسرو خوبان منه باخ

آچسالار قوللاریمی قوش کیمی طیران ائدرم -----قوزانا عشقیمیزه کوفه ده طوفان منه باخ

نقدر داش اولا بو شهریده وررام باشما  -----یارامین حدی اولا یاروه همسان منه باخ

نیزه ده سن دوراسان باشوه یردن دو لانام  -----اوجادان سسلیم آی زینت جانا ن منه باخ

قنادیم اولسا اوچوب نیزیه معراج ائلرم  -----باجی قارداش دایاناق نیزه ده بیر آن منه باخ

بوغازوندان توکولن قانوی بیر یولدا ئوپم  -----باخاسان گوز گوزه زینب دییه جان جان منه باخ

یاناسان شمع کیمی باشوه پروانه اولام  -----دوشم آخر من ایاقونده وئرم جان منه باخ

نه ائدیم قوللاریمی آچماغاقادر دگولم  -----یوخدی چارم دولانام باشوه هر آن منه باخ

سنه باخدوقجا اخا نطقیده زینب قزشور  -----ائلیوب کوفه ده کی حاکمه طغیان منه باخ

قویمارام تا نفسسیم وار علم دین یاتسون  -----گزورم شهریلری زار وپریشان منه باخ

طلقا زاده لر ین کاخینی ویران ائلرم  -----بیله لر ئولمیه جک نام شهیدان منه باخ

بوقرا کوینگ اولار قبره گدونجک کفنیم  -----آغلیور منله سنه قادر سبحان منه باخ

هارایول سالسا باجون هیئتی بر پاائلیر  -----حشر اولونجان قالاجاق گوز یاشی عنوان منه باخ

شیعه لر نوحه دیوب باشه وراللار‌آدوه  -----غملی هر لحظه گزر دردنیه درمان منه باخ

 

سروده شده توسط حاج آقا وردی عمرانی از  مداحان اهل بیت شهرستان پارس آباد

تایپ و انتشار : داریوش مصلح مدیر وبلاگ زینب پیام رسان کربلا

---------------------------------------------------------------------------------------------

/ 0 نظر / 153 بازدید