کاروان اسرا در مجلس یزید

صفحه خلقته بیر ماه درخشان زینب  -----زهد وتقوائیده سر دسته نسوان زینب

عشق منظومه سینه منطق وبرهان زینب  -----مکتب عصمته انوار فروزان زینب

نهضت حقه اولان لنگر وسکان زینب  -----نجه زینب شرف وحجب وحیا انجمنی

نوه ی احمد مختار و رسول مدنی  ----- دانشان حق سوزینی محکمه لرده علنی

خانه بر باد ائلین دهریده من من دیینی  ----- سوزی برنده قوی نطقی خروشان زینب

نجه زینب آتانون زینتی کانون وفا  ----- عالمه درس وئرن عصمت وایمان وحیا

دختر با ادب فاطمه وشیر خدا  -----  غیر اسلامه دیین عمر بویی کلمه لا

آدینا فخر ائلین قادر سبحان زینب ------- نجه زینب که شرف گلشنینه پیرایه

گله هیهات مثالی بو فنا دنیایه  ----- اوخشیان شکل وشمایلده خانم زهرایه

شامیده قبری رقیه قیز ینا همسایه  ----- آل سفیانه ائدن خشم فراوان زینب

نجه زینب اسرا جمله سینه سرکرده  ----- عهد پابندی مصمم دایانان سنگرده

ابن مرجانه دیین اهل زنا بی پرده  ----- قارداشون حقینی تبلیغ ائلین هر یرده

نائب با ادب خیره النسوان زینب  -----نجه زینب که حسین قارداشنا پروانه

عالم وصادق وعشقین آدینا دیوانه  ----- منزلی دنیا بویی خلق اولونان غم خانه

فلکین چرخی ائدیب منزلنی ویرانه  ----- گجه گوندوز ائلیوب ناله وافغان زینب

اوتوراردی در ویرانه ده آغلاردی خانم  -----دیزلرین شام وسحر غمله قوجاقلاردی خانم

اسراقلبینی هر نوحه ده داغلاردی خانم  -----دفتر عمرینی فکرینده وراقلاردی خانم

اللی ایل قاره گیوب اولدی پریشان زینب  -----جدی پیغمبرین اولده سالوب قاره سینی

گوردی مظلوم ننه نین سینه ده کی یاره سینی  ----- آتانون کوفه ده درک ایلیدی ربی سسینی

حسنون طشت قساوتده جگر پاره سینی  -----تاپدی ایللر بویی گوزیاشیله سامان زینب

بیر حسینیدی قالان پیکر ینی دوغرادیلار  ----- الینون اوسته سوسوز اصغرینی اوخلادیلار

قیزلارین باش گوز آچوق قولارینی باغلا دیلا  ----- زینبون قلبینی بونسگله چوخ داغلادیلار

 اولدی قارداش یرینه اوردا نگهبان زینب  ----- باغلانوب بنده بیر عده اسرا عورت اوشاق

نازلی آهو بالالار یوزلر ایپکدن یوموشاق  -----یاره لنمیشدی ایاقلاری وبعضینده قولاق

قالمامشدی نه لباس ونده گوشواره دواق  ----- بئله بیر جمعه اولوب میر اسیران زینب

بیری سسلوردی بی بی طاقتیمی الدن آلوب  -----دولانوم باشوا عمه بابا میز هاردا قالوب

بیری سسلوردی بو ایپلر قولومایاره سالوب  --- یا حسین زمزمه سی عورت اوشاقدان اوجالوب

اولارا ناله قوشوب سینه سی سوزان زینب  -----نجه صیاد آلار بیر سوری آهو نی اله

باغلیار بند طنابیله او جمعی ال اله  ----- سالدیلار بنده اسیرانی نجور اولدی تله

بیری آلچاق بیراوجا چخمیالار صفده چوله  ----- آخر صفده قالوب گوزلری گریان زینب

قدین آچموردی مبادا بوغولاردی بالالار  ----- آغلاموردی اوجادان ناله او صفده اوجالار

گورسه بو دردی اگر نوحیله لقمان قوجالار  -----قدی خم یول یریدی راحت اوشاقلار اولالار

بئله حالتله ائدیب شامیده طغیان زینب  ----- وارد مجلس اولوب قافله ی درد وبلا

نچه یورقون بالا قیزبیر نچه عورت بیرآقا  -----آخر صفده گیروب بزمه او بانوی حیا

دایانوب داغ کمی گویا دیریلوب شیر خدا  ----- چوخ صلابتلی باخوب ضیغم دوران زینب

تختون اوستونده اوتور موشدی زنازاده یزید  -----دوره سین آلموشیدی جمله سفیران جدید

چوخی سگ باز وقمارباز واو سلطانه مرید  ----- طبق پیروزی چالندی که حسین اولدی شهید

تتره دی برگ کیمی اولدی فروزان زینب  -----چوخ حقارتله باخوب قافله ی در دوغمه

شعر پیروزی دهانینده گلو بدی سخنه  -----شکر اولا خالقه بو دشمنی سالدی محنه

قول قولا باغلی گلوب قیز لاری بو انجمنه  -----بئله اثناده جوشوب چشمه جوشان زینب

اهل مجلس بو باشون صاحبی طوفان ائلیوب  ----- ایتیروب حق یولینی دینیده طغیان ائلیوب

لادیوب بیعتیمه نهضتون الان ائلیوب  -----آتاسی جنگیده چوخ ائولری ویران ائلیوب

اودانشدقجا باخوب دیده سی گریان زینب  -----اسرا که گوروسوز باغلیدی بنده ورسنه

اوخشیوللار هاموسی سوسنه یا یاسمنه  ----- اوتوروب گوشه ی تالار یده دولموش محنه

چوخ گودردیم بو گونی ایندی نصیب اولدی منه  -----تز قیام ایلدی چون آتش سوزان زینب

شیر مردان قیزی شیرانه دوروب تز ایاقا  ----- سسلدی کذب وریا باشلاما یابن الطلقا

دانشوب یوخلاموسان ساق صولوی مرد دغا  --- حکم اسلامی بیلوب حرمت ائدورسن قوناقا

دئمه یالقوزدی حسین واردی خروشان زینب  -----اوحسینیکی اونا خارجی وردون لقبی

یتیشر حضرت پیغمبره اصل ونسبی  -----بی حیا ساخلادیلون شرم ائله ساتما ادبی

قارداشیمدور بو فنا دهر یده خلقت سببی  ----- اللی بش ایلدی اولوب عشقینه قربان زینب

فخریلن باخما منه من شه مردان قیزیام  -----فاطمه گوهریم خیره النسوان قیزیام

بابامن معجزی قرآندی که  قرآن قیزیام  -----من همان قانی ائدن مسجدی الوان قیزیام

آتانون زینتیم بنده سبحان زینب  -----او محمد که سنی تابع قرآن ائلدی

سندروب بت لاروزی جمله مسلمان ائلدی  -----سیزه وئردی درجه صاحب ایمان ائلدی

الوزی دوتدی بو دنیا بویی انسان ائلدی  -----سایولوبدور منیچون جد درخشان زینب

اوتوما تخت ریاستده دئمه ایری دوزه  ----- اعتقادون وار اگر دینوزه پیغمبر وزه

بو مقاماتی حرام ایلدی دین اهلی سیزه  -----اوتوروب فخر ائدوسن تخت ریاستده بیزه

سنه نفرین ائلیور ناطق قرآن زینب  ----- اوحسینیکی اونون طعنه دیورسن باشنا

شیشه ی جهلی ورور سان گنه ماتم  داشنا  -----نیه باخمورسان اوشاقلاردا اولان گوز یاشنا

اوباشون عشقینه ایللردی پریشان زینب  ----- اوباشی وئر آلوم آغوشیمه آغلاردی گوزوم

کربلادن بوراجان ذکرحسین اولدی سوزوم  ----- گورمیشم شمر کسن وقتیده او باشی اوزوم

اونا پروانه کیمی یانمالیام یوخدوم دوزوم  ----- نیزه باشنده اونا باغلادی پیمان زینب

ائوی ویران او باشون دورینه زهرا دولانار  ----- خیزران ورما اونون قانینه زهرا بویانار

خیر دان آهوسی باخور آتش محنتده یانار  ----- باباسون ایسته سه زینب هایانا دالدالانار

نیلسون اوندا دن ای ائوی ویران زینب  -----اوباشا چوخدی باخان قلبیلری قان ائلمه

بسدی شم ایله اوتان ظلمیده طغیان ائلمه  ----- باخ بو قیزلاره یزید مجلسی بحران ائلمه

دوداقون یاره لمه قلبیمی شان شان ائلمه  ----- او باشا مشتریدی قلبیدن القان زینب

خیز ران قاخدوقجان اوج ائلیور ناله سسی  ----- بالاقیزلاردار خوللار آچالار تز قفسی

هرئورکده دولانور او پمگه باشین هوسی  ----- کربلا محنتی بوقیزلارین اولموشدی بسی

منتظر دور که وئره قیزلارا فرمان زینب  ----- قارداشی اوغلی ئولن وار بولاری ساخلاما چوخ

جمع نامحرمیدی بعضیلرین معجزی یوخ  ----- چالشور اصغر آناسی آچا بو بزمیده رخ

خیزران بنز ری وار اوچ پراولان زهریلی اوخ  --- سوروشار شارداقالوب طفل لب عطشان زینب

قویمالبلرده اثر فاطمه ریحانه سیدی  -----خیزران دگدیگی یر ذاکر جانانه سیدی

اوحسیندور وروسان خالقه فرزانه سیدی  ----- چوخ ئورکلر اوباشون شوقیلی دیوانه سیدی

اوباشون عشقینه چوخداندی نوا خوان زینب  ----- دئمورم رحم ائله یوخ گر اولا انصافون اگر

هانسی مسلکده روا دور قوناق اهلین دوگه لر  --- سنده هیچ خوف وحیا یوخدی بو دنیاده مگر

فاطمه سئوگلینی یاره لوسن ای کمتر  ----- سنه عجز ایلمیور تابع یزدان زینب

اوباشون عشقینه چوخ قلبی پریشان دولانور  --- باش آچوب مریم وسارا گوزی گریان دولانور

یاس دوتوب عرش اوزیده والح وحیران دولانور----فاطمه نوحه دیور چولده نوا خوان دولانور

 

سروده شده توسط رضا فرحناک از  مداحان اهل بیت شهرستان پارس آباد

تایپ و انتشار : داریوش مصلح مدیر وبلاگ زینب پیام رسان کربلا

---------------------------------------------------------------------------------------------

/ 0 نظر / 58 بازدید