ناله های زینب در فراق امانت برادر

ای شمس وقمر گونده کی سیاره ستاره --------------ای محور اقماره اولان خط اشاره

ای مشرق ومغرب یارادان دور زمینه -----------------ای خط وئرن قطبیلره چرخ برینه

ای صبح آچان محو ائلین ظلمت تاری -------------دان الدوزونا امر ائلین چخ گجه یاری

ای عالمه احسان ائلین نور فروزان ---------------خورشیدی سماده یریدن شادو خرامان

ای آخشام ائدن لوحه چکن پرده ی قاره -----------آینان ائلین پرده نی رخشنده دوباره

ای عرشیده حیران گزن آواره قمرلر ---- -------- ای قانه دوئن رنگی مسا وقتی شفقلر

ای شبنم زیبای گلستان طبیعت ----------------ای گلشن دنیا یه یایان عطر وطراوت

ای باغ محبتده آچان غنچه شکوفه -------------ای امر ائلین ماهه سالان تور خسوفه

ای بلبلی مجنون ائلین گلشن یاره -------------ای همدم ائدن لاله وسونبوللری خاره

ای گونده گزن قوشلارا پرواز ی ورئلر ---------ای شمعیله پروانه ده دوز عشقی گورنلر

ای صبحه کیمی ذکر ومناجات ائلیینلر -------------ای دعوت معبوده خضوعلیه گئدئلر

ای کرب وبلا شاهینه ایمان گتیرئلر -------------ای ماه محرمله صفر قاره گیینلر

ای چولده تاپوپ بیر قیز اوشاقینی دوگنلر -------------ای قمچی آلتندا اونی یاره لینلر

ای کوفه ده دامنان داش آتان عورت اوشاقلار --------ای سوز عطشدن جرلان تشنه دوداقلار

ای شامیده بی دغدغه آسوده یاتانلار -------------ای گوز یاشیمی محنتیله قانه قاتانلار

ویرانه ده مهمانیم اولون ئولدی رقیه -------------غربتده نواخوانیم اولون ئولدی رقیه

ای باد صبا کرب وبلادن گذر ایله -------------زهرا بالاسنین غملی نوادن خبر ایله

تاپشور گله ویرانیه جان وردی رقیه -------------آخر نفسینده باباسن گوردی رقیه

بومسئله نی ایله سفارش شه دینه -------------اکبر له گله باش چکه آهوی حسینه

حتما کی بوویرانیه الیاسیله گلسون -------------نهر اوسته خجالت یاتان عباسیله گلسون

شرم ایلمه سون اصغر لایلای دیین ئولدی ---------گهواره ده کی اصغره سو ایستین ئولدی

یوخ زینبون امکانی کفن شامیده یوخدی ---------مظلومه بالام ئولدی اونون نسگلی چوخدی

منتدی اگر یول سالار اکبر آدامیم یوخ -------------غربتده بو ویرانه ده قبرین قازانیم یوخ

یغ باشوه قاراداش یاتان انصار وی یکسر ----------گل شامیده یاس ساخلابالام ئولدی برادر

بیلم نه دیوم هیچ ئورگی یاره ربابه -------------اصغر چاغروب غش ائلدی دوشدی ترابه

مندن خبر آلسا قیزینون حالینی قارداش -------نه یوزله دیوم ئولدی بالون گوردی کسیک باش

زینب نجه بو نسگله دوزسون سنه قربان ---------آج ئولدی رقیم دییرم سوز باشی جان جان

زینب نجه بو نسگله دوزسون سنه قربان ---------آج ئولدی رقیم دییرم سوز باشی جان جان

ای عمه سینون قدین اگن درد فراقی -------------دعوت ائلمه غملیده اولا شام قوناقی

 

سروده شده توسط عبدالرحیم اصغری از  مداحان اهل بیت شهرستان پارس آباد

تایپ و انتشار : داریوش مصلح مدیر وبلاگ زینب پیام رسان کربلا

---------------------------------------------------------------------------------------------

/ 1 نظر / 49 بازدید
ایمان جعفری

انصافا اشعار خوبی بود استفاده کردم خدا جزای خیر بشما بدهد