حضرت زینب (س)

 

زینب که آدی ثبت اولونوب دفتر عشقه  -----وار علتی جان بذل ائلیوب پیکر عشقه

عشقین آغاجین باغ ولایتده سوواردی -----همراهیدی هر روز وشبی سرور عشقه

عشقین سوزی زینبله اولوبدور متولد -----اونان دوغولوب پخش الونوب کشور عشقه

وارحقی دئسم عشقی بو زینب یارادوبدی -----چون اللی بش ایل همدم اولوب داورعشقه

بو چرخ فلک هرکسه بیر قورقی قوروبدی -----بختینده یازوب زینبی نام آور عشقه

آرامش جان رح وروان ختم رسوله -----وصلیدی ئورکدن آدی پیغمبر عشقه

اول شیر یکی خیبر ده وروب مرحبی بولدی ----- زینب چاغروب وردی اوزون خیبر عشقه

گر شاه فتا اسوه دی انفاس زمینه -----زینت یارائوب زینب آدی حیدر عشقه

زین ابیدی اب اونی آغوشه آلاندا ----- اوخشاردی کیچیک سنیده نیلوفر عشقه

بیر دوشدن اموب صود اونی الله بگنوبدی -----تعریفی کتا بینده یازوب کوثر عشقه

بیر قیز اونون درسینی زهرا وئره هر گون -----گور نقص قویار سیر ائلسه معبر عشقه ؟

الحق بو خانم مکتب زهرا نی اوجاتدی -----بیر مکتب عالی یارادوب مادر عشقه

اوچ سنیده بیرگون آیلوب صبح زمانی -----آغلار گوزی معلوم اولونوب دلبر عشقه

هرقدر سوروشدی ننه سی دردینی اوندان -----رام اولمادی گوز یاشی آخوب سردرعشقه

پیغمبر خاتم اشیدیب ناله صدا سین -----فورا چاغروب فاطمه نی محضر عشقه

ورزینبیمی سیینه مه آرام اولا زهرا -----دردین سوروشوم سویلیه تا ازبر عشقه

آغوشه آلوب حضرت خاتم یوزین اوپدی ----- سسلندی قیزیم دردوی ده رهبر عشقه

عرض اتدی بابا خوفیلی رویا منی دوتدی ----- گوردیم که اسیر باد خزان محشر عشقه

وحشتلی یریدی او را طوفان اسیلیر دی -----گویا که قیامتدی قیامتگر عشقه

چولدن چوله آواره گزوب دردیمه یاندیم ----- تاپدیم بیرآغاج حامی اولا منظر عشقه

طوفان ولی سندردی اونون قول قانادندا -----دوتدوم آغاجی لنگر اولالنگر عشقه

بیر سهمیی یل نخلی آلوب مندن آپاردی -----دوردیم یوخودان یاندیم آتا آذر عشقه

فرمایش ائدیب زینبه ای روح  وروانیم ----- صبر ایله قاباقلاردا اولان اخگر عشقه

رویاده کی گوردون آغاجی ختم نبیدی -----زهرا وعلی جوت بالا بال وپر عشقه

من ترک ائدرم سیزلری بو دار فناده ----- توش الیجک چرخ سیزی کافر عشقه

زهرا وعلی آتش ظلمتده یانار لار ----- حقینده سالالار بالامی مجمر عشقه

قول باغلی آتون گورسه که زهرانی ورولار ----- قان آغلیاجاق آهی چیخایاور عشقه

مسماریله زهرا قیزیمون واردی جدالی ----- ال یاره ئرک یاره دوشر بستر عشقه

سیزلر یغشوب فاطمه نی دفن ائلیر سوز -----حیدر اوتانار باخماغا اشک تر عشقه

بی کس بابوی کوفه ده محرابه یخالار ----- قان اوج ائلینده اوتورار منبر عشقه

قلبین حسنین زهر جفائیله بیچه للر ----- قانی توکولر فاطمه مثلی در عشقه

اما بو حسنیکی اونا چوخدی علاقون -----وارچوخلی مصیباتی اونون اظهر عشقه

هربش نفرین سن غمینه آغلیاجاقسان ----- صبرایلیه قیزیم هر نه بلاده بر عشقه

صبرونده سن ایوبیده مغلوب ائلینسن ----- صابر سنی خالق یاادوب مظهر عشقه

دوز چیخدی پیمبر سوزی چرخین ایشی دوندی---- غم قافله سی قوشدی اوزون دختر عشقه

پیغمبریله فاطمه ترک اتدی جهانی ----- محرابیده حیدر قوشولوب همسر عشقه

طشت ایچره حسن توکدی جگر آغلادی زینب ----- دورد قاره سالوب باشه چاتا انور عشقه

دفن اولدی حسن اللرینی قوزادی حقه -----گورستمه دخی باغلیا گوز خواهر عشقه

گوز باغلامادی لیک بویوک محنته قالدی ----- بیرگون ساتاشیب عمر یده غارتگر عشقه

هر دردوبلا گلدی خانم تلیده دوردی ----- گودالیده اما دندی صورتگر عشقه

آخر نه بلا اولسادا اندازه وار الله ----- زینب نجه باخسون بو سیاق بی سر عشقه

گه لیلیه سس قوشموشام اکبر قاباغندا ----- گه آْغلاموشام لیلی ایله اکبر عشقه

اصغرله ربابین محنی قدیمی اگدی -----بو سینه ده لایلای دئمیشم اصغر عشقه

عباسیمی بیللم نجه نهر اوسته بیچیبلر ----- شرمنده لیگینده یخلوب پادر عشقه

قارداشیمی تل اوسته کمان قدینی گوردیم ----- عباسی ئولن لحظه چاتوب آخر عشقه

امیدیم حسینیه باشی اللری گزدی ----- آتدیم اوزیمی بوسه ورام حنجر عشقه

شمریله مقابل دایانوب جنگیده دوردیم -----زهرانی چاغیردیم یاپوشام خنجر عشقه

قانیم آخیلیب دامدی حسین سینه سی اوسته ----- قان وردیم آدیم ثبت اولونا مصدر عشقه

بیر من قالورام بیرده بویورقون بالا قیزلار ----- رحم ایله اوزون یوللاری بوشهپر عشقه

دشمن نقدر قمچی ورا معجر آپارسون ----- وره م جانمی چاتمیا آل معجر عشقه

یاز غملی که زینب دوگولوب معجره خاطر ----- معجر آدینی ثبت ائلیوب دفتر عشقه

 

سروده شده توسط منصور عزیززاده از  مداحان اهل بیت شهرستان پارس آباد

تایپ و انتشار : داریوش مصلح مدیر وبلاگ زینب پیام رسان کربلا

---------------------------------------------------------------------------------------------

/ 0 نظر / 17 بازدید