شجاعت زینب در شهر کوفه

 

ای کوفیان آگاه اولون فرزند حیدر زینبم -----خیرالنسادر دانه سی خاتون محشر زینبم

جدیم رسول اللهیدور دینوز اونون سرمایه سی --- شاه ولایتدور بابام قلبوزده رحمت سایه سی

خیرانسا زهرا آنام سارا ومریم دایه سی ----- آل عباسرمستیم مدهوش ساغرزینبم

بیرقرداشیمدور مجتبی کنعانیلر سرگشته سی -- مظلوم حسین بیر قارداشیم کرب وبلا دلبسته سی

بیرقارداشیم عباسیدور لب تشنه قیزلار خسته سی ---اصل ونسبدن منتخب چون ماه انور زینبم

من شاهبازم شاهیمه اسرار قرآن منده دی ----- تبلیغ نهضت ایلورم بو سوزده پیمان منده دی

شاماته پرچم ورماغا عنوان فرمان منده دی -----بیلسون جهالت رهبری شیرم هنر ورزینبم

پستان زهرادن اوزوم صبح ومساصود اممیشم -----غیرت شجاعت درسینی قنداقیده اورگنمیشم

یثرب هارا شهروز هارا پیمانه خاطر گلمیشم ----- ابلیسی رسوا ایلرم صدیقه مظهر زینبم

خیبر نه تز یاددان چخو بدیللره حیدر سسلدوز-بش ایل حکومت ایلدی شهر وزده قدرین بیلمدوز

ظاهرده بیعت با طناجنگ وخیانت ایلدوز ----- شاهددی شهروز بو سوزه منسوب خیبر زینبم

درس شرف استادیم غیرت سراپا منده دی ----- کانون دین ایجادیم عزت سراپا منده دی

کانون دین ایجادیم عزت سراپا منده دی ----- من کربلا فریادیم حجت سراپا منده دی

غیرت منه ارثیه دور عباسه بنزر زینبم -----معجرآلانلار فکر ائدور بوقیزلاری خوار ائتدیلر

فخریله عورت قیزلاری بیردن گرفتار ائتدیلر -----بی کس قالان الدوز لاری چوللرده آزار ائتدیلر

سنماز غروری زینبون پاک ومطهر زینبم -----معجر منه لازم دگول من پوششم اوز جانیمه

مین لرجه نامحرم گوره یتمز خاطر ایمانیمه -----صبریم حسندن ارثدور دلبستیم پیمانیمه

زلفیمله معجر باغلارام عصمتده لنگر زینبم -----قانون عصمت مکتبی مهریه زهراده دور

درس حجابی ازبرم برنامه طاهاده دور -----شایسته نام حیدرم آوازه سی دنیاده دور

گورمز منی اعدا گوزی مرآت کوثر زینبم -----من قل هوالله اهلیم علم بلاغت منده دی

عباسه دیلدن باغلیام نفسا شجاعت منده دی ----- آتشفشان کربلا خصمه دلاور زینبم

ای بی حیا امت بیلون زهرا یه من دوردانیم ----- خیبر گشا حیدربابام پیغمبره ریحانیم

عشقیمده آیری دشمیشم چوللرده بی ویلانیم -----مجنون صفت بیر عاشقم عشقیمده اکبر زینبم

من گلمیشم بو کوفه ده ابلیسی رسوا ایلیم -----مرجانه اوغلون سندروب نطقیمله غوغا ایلیم

قارداشیمون قانین آلوب تبلیغی برپا ایلیم ----- نوک جداده شاهیمه شایسته خواهر زینبم

پیکاره کیم عم ایلسه بو رسمیده لشگر چکر ----- اردو ورار سربازینه تعلیم جنگی اوردگدر

زینبده لشگرلن گلوب مرجانه اوغلون محوائدر ----- دلدادیم بو لشگره ظاهر ده رهبر زینبم

بو لشگرین لیلا کیمی دل داغلی بیر سرداری وار ----- اصغر ربابیندن دیوم بو جنگه قلب زاری وار

اوچ یاشلی پرچم صاحبی قیزلاریمون سالاری وار ----- پروانه دی بو لشکریم شمع منور زینبم

ابن زیادین یخماغی پایان دگول برنامه مه -----شاماته پرچم ورماغی شه درج ائدوب شهنا مه مه

آخرده شا می اولماغی زهرا یاز بدور نامه مه ----- بویولدا باکیم یوخ منیم بولم مظفر زینبم

من گلمیشم هم کوفیه هم شامه پرچم ورما غا ----- خضراده دور برنامه میز قول باغلی حاکم یخماغا

قلب یزدی شامیده خیمم کیمی یاندرماغا ی-----گودالیده پیمانیدی پیمانه دفتر زینبم

هند اوغلونون پیکارینه گتمکده نیت منده د ی ----- خضرا ستونون یخماغادست ارادت منده دی

اجدادیمیز بت سندروب بو ایشده عادت منده دی ----- بیر تازه بت سندرماغا قلبا مدبر زینبم

شرم ایلیون ای بی حیا امت عناده دورمیون ----- قلب ربابی بی وفا ملت دخی یاندرمیون

پیغمبرین الدوزلرین شهر وزده داشنا ن ورمیون ----- آخر ئورکدن داغلیام گوز یاشلی اختر زینبم

بش ایل بو شهر شومیده قبلا خانملق ایتمیشم ----ترک ایلینده شهروزی گوز یاشلی بوردان گتمیشم

ایندی فلک بیرایش گوروب قول باغلی مهمان گلمیشم ---یاز غملی بو عنوانیده عمریمده مضطر زینبم

 

سروده شده توسط حاج نادر جوادی از  مداحان اهل بیت استان اردبیل

تایپ و انتشار : داریوش مصلح مدیر وبلاگ زینب پیام رسان کربلا

---------------------------------------------------------------------------------------------

/ 1 نظر / 31 بازدید