رسالت قلم وگریز به ورود اسرا به مدینه

کشور عشقیمه فرمانده لشگر دی قلم -----درد مظلومه یانان خصمه دلاوردی قلم

گله مین لرجه حکومت گنه رهبر دی قلم -----بیرینون طاق ثریا یه چخاردور باشینی

بیرینی خوار ائلیوب جاری ائدور گوز یاشینی -----اولماسیدی قلم اولده یار ائمازدی بشر

خلق وما خلقه عمرا اینانمازدی بشر -----قدرتین مسندینه تکیه ورانماز دی بشر

یارادان وقته خداوند احد خلقتینی -----قلمه جمع ائلیوبدرگهینون قدر تینی

قلمین قدرتی هر قادر وغداری یخار -----یازانی عادل اولا ظالم وجباری یخار

قهرمان الده دولانسایل وسرداری یخار -----نقدر قدرتی خلق ایلیه انسانین الی

جمع قدرت اولا بیلمز مثلی بلی -----طول تاریخیده باخ بی قلمین قدرتینه

یارادان وحدتینه غیر تینه همتینه -----با شرف الده یازیلسا تاپولان عزتینه

شاهلاری خوار ائلیوب مفلسی چوخ ایلدی شاه -----با ادب شاعر الینده دولانوب مثل سپاه

بعضی اللرده ائدوب حمد وثنا جباری -----بعضیلر مجد ائلیوب سلطنت ودرباری

چوخی ایتموش قلمی عشقیده سردمداری -----بیر قلمکی یازا سلطان جفا کاره ثنا

خوشدی ارباب قلم شاخه کیمی  الده سنا -----قلم آز ادیدی هر مطلبی وارسته یازار

ظالمی کفر ودنی عاشقی دلبسته یازار -----ظلم جباری تاپوپ مطلبی پیوسته  یازار

هانسی عصرین قلمی چاتماسا مظلوم دادینا-----لعن ونفرین اولا تاریخیده شاعر آدینا

چوخدی تاریخید شاعر که گئدوب بیراهه -----الده برنده قلم مدح ائلیوب گمراهه

اوزی ظلمتده یازوب ظلمت شب مصباحه -----اوخشادوب صورت اهریمنی شمس وقمره

یاخشی داوردی فلک زحمتی گتمیش هدره -----واردی بیر عده ده یازموشدی فقط حق سوزینی

یوممیوب حقه گوره عمریده اصلا گوزینی -----باشی دار اوسته گزوب ساتمیوب اما اوزینی

عمرینی باده وئروب ساخلیوب اما قلمی -----قلمین قدرتینه دفتره ورموش علمی

بعضی لر اولدی فرزذق کیمی آزاده مرام -----عصر جاهلده قلملن ائلیوب خون وقیام

سوزی بی پرده یاز وب ایتمیه تاریخ کلام -----خوش اونون حالینه اشعاری حقیقت گوزیدی

بوبیزیم شاعریمیز زین العبادین سوزیدی -----سرداری دولانوب بعضی سی منصور کیمی

 

سروده شده توسط رضا فرحناک از  مداحان اهل بیت شهرستان پارس آباد

تایپ و انتشار : داریوش مصلح مدیر وبلاگ زینب پیام رسان کربلا

---------------------------------------------------------------------------------------------

/ 0 نظر / 82 بازدید