مدح قهرمان کربلا وگریز به اربعین

ای قلم پروانه اول شمع فروزان زینبه ---------با غلا عشق احر امینی سردار نسوان زینبه

کیمدی زینب دورد یاشندان مونس در دو الم ---------اللی ایل بحر مصیباته وران صبری علم

وصفینه آواره دوراحساسیلر عاجز قلم ---------من کیمم عالم قالوب سیرینده حیران زینبه

کیمدی زینب کهکشان معرفت سیا ره سی ------خلقتون پیرایه سی خلقت اونون آواره سی

معنویت اولدوزی خیرالنسا مهپاره سی ---------پنج تن بیر بیر دیوب هر لحظه قربان زینبه

کیمدی زینب عصمتینده فاطمه همپایه سی ---------مکتب حجب وحیا وغیرتون سرمایه سی

عالمه دنیا بویی زینتدی عفت سایه سی ---------بوجهان شرم ایلیور اولسون نواخوان زینبه

کیمدی زینب گلشن خلقتده غیر ت سوسنی -------هم نشین غصه لر هر غمده صبین خرمنی

قهرمان کربلا ایثار وهمت مخزنی --------خرمن ومخزن سوسندی گلستان زینبه

کیمدی زینب شیر زن یوخ مردمیدان بلا---------قهرمان جان نثار نهضت کرب وبلا

حفظ معجر گردو گفت بر تیغه خنجر بلی ---------آفرینش یومدی گوز اوندا خروشان زینبه

کیمدی زینب کربلادن باشلانان برنامه سی ------قارداشی گودالیده یازمش اونا غم نامه سی

ایندیده وار کوفه شهرینده اونون هنگامه سی ---------کوفه شاهدی نولوب زار پریشان زینبه

کیمدی زینب انقلاب کوفه نین سر دسته سی -------قان توکیلدی کربلاده بو قیامین هسته سی

قان توکیلدی کربلاده بو قیامین هسته سی -------دلبرینده آیری دوشمزدی جدانون خسته سی

شه وئروب باش یار ماغی محملده فرمان زینبه -----کیمدی زینب ظاهرا شاماته یوللاندی اسیر

لشگری آز عده اما دوره ده دشمن کثیر ------شامه بیر پرچم وئروب گویا یخوب خیبر امیر

مرحبا یکسردئدی غیرتده عدوان زینبه ------کیمدی زینب کاخ خضراده حسینون زنده سی

انقلاب کربلائون شامیده گوینده سی ------نطقیده حیدر ادبده فاطمه زیبنده سی

امپراطور زمان اولدی ثنا خوان زینبه ---------کیمدی زینب شامیده دوردی یزیده روبرو

سسلدی یوخدی شرافت سنده ای بی آبرو ---------کربلا برنامه سین تعریف ائدیبدی موبمو

مرحبا صد مرحبا سویلردی یزدان زینبه ---------بوخانم شاماتیده ابلیسه سنگر ورمدی

کربلادن شامه جن جنگینده لشگر ورمدی ----باش آچوق یازسام جفادی چونکی معجر ورمدی

باش آچوق یازسام جفادی چونکی معجر ورمدی ---معجری آق زلفی اولموشدیی نمایان زینبه

بوخانم اللی بش ایل عشقینده نقصان ورمدی ---دشمنی سرکوب ائدیب هیچ یرده میدان ورمدی

قارداش تحقیر ائده ابلیسه امکان ورمدی ---------غیرتی ارث پدردی سینه سوزان زینبه

بو خانم خیبر دن آرتق فتح ائد یب خیبر لری -----یخدی خضرا کاخینی زنجیره باغلی اللری

بیربه بیر فتح ایلدی اهدافیده باغلی اللری ------طشتیدن تز تز باخاردی شاه خوبان زینبه

بوخانم چوخ درده دوشدی عمریده ویرانه دن -دوشدی دیلدن اول زمانکی ال اوزوب دردانه دن

چرخ گردون کج دولاندی بیلمورم آیاندن -----کاخ امیدی یخلدی اولدی ویران زینبه

بوخانم ویرانه ده سرمایه سین دفن ایلدی -----اوزالیله قبریده همسایه سین دفن ایلدی

گوئیا پرچم یخلدی پایه سین دفن ایلدی----- اولدی نسگل قلبیده بو طفل نالان زینبه

مدت حبسی تمام اولدی خانم دوشدی یولا -----دوزدی ویرانه ده بیر عده لری ساق وصولا

وردی فرمان اولارا نوحه دیون مجلس اولا ------اوخشیون همدرد اولون عمرینده گریان زینبه

شامیدن چخدی خانم قالدی خدایا نه حالا -----گه باخور شامه دیور من گئدورم قالما دالا

عمووین یوخ کمگی اچ گوزوی یاتما بالا -----قویمارام تک قالاسان گر اولا امکان زینبه

کربلا سمتینه غم قافله سی سالدی گذر ---عطر دلداری وئروب باد صبا یولدا خبر

هرقدم آتدوقجا دوریه ایلردی نظر -----کربلا سسلردی اغلاردی بیابان زینبه

عطر یاری تز آلار اولسا نگاری مشتری -----آلدی زینب عطرینی گلدی ترابه دیز لری

واحسین واسسلدی غش انتدی یومدی گوزلری -----یئر ندی قان آغلادی گونلرده مرغان زینبه

یوزقویوب تپراقه سسلندی حسین گلدیم اویان -----مقصده چائتدیم برادر عطروی بیلدیم اویان

آنداولا اوز جانووه سس ورمنه ئولدیم اویان ----وئر تسلی بی کسم شاه شهیدان زینبه

گلمیشم من اربعینه گوزده قان یاش آغلو رام --بیر کمان قدیم قالور بیرده بو آق باش آغلورام

گوزلریم گورمور مز ارون غملی قارداش آغلورام ----قبروون مشتاقیم عشقوندی عنوان زینبه

اکبری یوللا حسین پیشوازیمه قارداشسیزام ----یدی قارداشیم ئولوبدور یالقوزام من باشسیزام

یوخ رقیوندن خبر شرمندیم یولداشسیزام -----ورمدی چرخ فلک عمرینده پایان زینبه

دورمنه بیر خیمه قور یورقون مسافر گلمیشم -----گزمیشم چوخ کوچه وشهر ومعابر گلمیشم

چوخ مصیبت چکمیشم چوللرده آخر گلمیشم ---بیر دفعه زینب دئسون وار اوندا درمان زینبه

قمچی لردن یورقونام وار قول لارمدا یاره سی---باشیمه عدوان وئروب قارداش چوح آجر پاره سی

بوسنق قلبین حسین جان سنده دی تک چاره سی ----تک سنی گورمک امید اولموشدی هر آن زینبه

دور اقلا قبریدن گور زینبون احوالنی -----باخ فقط قارداش سوروشما بو غریبون حالنی

اوزگوزوئله گورحسین برهم اولان اجلالنی -----قوی باخوم من سن اوخی بیریولدا قرآن زینبه

غملیم غم دفترین من آچموشام گوز یاشینه ----آغلارام هم زینبه همده سوسوز قارداشینه

یول تاپا بیلسم دولانام قبرینون بیر باشینه -----تا نفس وار آغلارام زار وپریشان زینبه

سروده شده توسط حاج آقا وردی عمرانی از  مداحان اهل بیت شهرستان پارس آباد

تایپ و انتشار : داریوش مصلح مدیر وبلاگ زینب پیام رسان کربلا

---------------------------------------------------------------------------------------------

/ 1 نظر / 108 بازدید
ایمان جعفری

بسیار عالی خیر دنیا و آخرت ببینید انشاءالله